Charo Santos, nagpasalamat sa suporta ng mga Pilipino sa ABS-CBN

MAYNILA — Nagpasalamat ang aktres at kasalukuyang chief content officer ng ABS-CBN na si Charo Santos-Concio sa suporta at pagmamahal na ipinapadama ng mga Pilipino matapos na huminto sa pag-ere ang ABS-CBN nitong Martes ng gabi, Mayo 5.

Sa bisa ng cease and desist order na inilabas nitong nitong Martes, ipinag-utos ng National Telecommunications Commission ang pagpapatigil sa pag-broadcast ng ABS-CBN.

Sa Instagram nitong Miyerkoles, ibinahagi Santos-Concio ang isang clip na nagpapakita sa serbisyo ng ABS-CBN para sa mga Pilipino.

Sa caption, nagpasalamat si Santos-Concio sa lahat ng mga sumusuporta at nagmamahal sa Kapamilya network.

“Maraming, maraming salamat sa inyong pagmamahal at suporta. Hanggang sa muli,” ani Santos-Concio.